எழுத்துருக்களை நிர்வகிக்க Wordmarkit

இணையத்தில்  ஏராளம் எழுத்துருக்கள் கொட்டிக் கிடக் கின்றன. அதுவும் அவை இலவசமாகவே கிடைக்கின்றன என்பதனால் நாமும் நமது கணினியில் நூற்றுக்கு மேற்பட்ட எழுத்துருக்களை டவுன்லோட் செய்து நிறுவிக் கொள்வோம். இவ்வாறு ஏராளமான எழுத்துருக்களை நிறுவிக் கொண்டாலும் ஆவணமொன்றை டைப் செய்து விட்டு அதற்குப் பொருத்தமான எழுத்துருக்களை தேடிப் பிரயோகிப்பதற்குத் திண்டாடிப் போன அனுபவம் கணினிப் பயன்ர் அனைவருக்கும் ஏற்பட்டிருக்கும்.ஏனெனில் டைப் செய்த எழுத்துக்களைத் தெரிவு செய்து பின்னர் அதனை ஒவ்வொரு எழுத்துருவுக்கும் மர்ற்றி மாற்றி திருப்தியடையும் மட்டும் நாம் மாற்றிக் கொண்டேயிருப்போம்.

இது போன்ற நிலைமகளுக்கு நமக்குத் தீர்வைத் தருகிறது www.wordmark.it எனும் இணைய தளம். இது ஒரு ஓன்லைன் சேவையாகும்.இந்த இணைய சேவை மூலம் பிரவுஸர் விண்டோவிலேயே நாம் விரும்பும் டெக்ஸ்டை நமது கணினிய்ல் நிறுவியுள்ள அனைத்துஎழுத்து வடிவங்களிலும் காண்பிக்கிறது,

இதனை செயற்படுத்திப் பார்ப்பதற்கு www.wordmark.it எனும் இணைய தளத்திற்குச் செல்லுங்கள். அங்கு wordmark எனும் இடத்தில் ஒரு க்ளிக் செய்து நீங்கள் விரும்பும் டெக்ஸ்டை டைப் செய்யுங்கள். பின்னர் load fonts எனும் பட்டனில் க்ளிக் செய்யுங்கள். அப்போது ஒரே வினாடியில் உங்கள் கணினியில் நிறுவியுள்ள அனைத்து எழுத்துருக்களிலும் நீங்கள் டைப் செய்த வார்த்தையை காண்பிக்கும்.

மேலும் negative பட்டனில் க்ளிக் செய்வதன் மூலம் கருமை நிறப் பின்னணியில் வெள்ளை நிறத்தில் எழுத்துக்களைக் காணலாம். அத்தோடு கட்டணம் செலுத்துவதன் மூலம் மேலும் பல எழுத்துரு சார்ந்த வசதிகளைத் தருகிறது இந்த wordmark.it இணைய தளம்.

Moodle என்றால் என்ன?

மூட்ல் என்பது ஒரு வலைத் தளம் சார்ந்த (web based)  திறந்த மூல நிரல் மென்பொருள்.Modular Object-Oriented Dynamic Learning Environment என்பதன் சுருக்கமே மூட்ல்.  இது Martin Dougiamas  என்பவரால் உருவாக்கப்பட்டது.  இது உலககெங்கும் பயன் பாட்டிலுள்ள ஒரு முறைப்படுத்திய இடை முகப்பைக் கொண்ட கற்றல் முகாமை  (LMS-Learning Management System)  மென்பொருளாகும்.

ஏராளமான கல்வி நிறுவனங்கள் பல்கலைக் கழகங்கள் மின்னணு கற்கை நெறிகளை அல்லது இணையம் வழி கற்கை நெறிகளை மூட்ல் மென்பொருல்ளைப்  பயன் படுத்தி (platform)  வழங்குகின்றன.
இவை தவிர தொடரறா பல் தேர்வு வினாக்கள்,  புதிர்கள்,  மாணவர்கள் தங்கள் சந்தேகங்களைக்  கேட்பதற்கும்  கருத்துக்களைப் பதிவிடவும்  கருத்துக்களங்கள்,  மன்றங்கள். கலைச் சொற்களுக்கான விளக்கங்கள், பிற இணைய தளங்களுக்கான இணைப்புக்கள் என பல்வேறு வசதிகளை உள்ளடக்கியுள்ளது.

.மூட்ல் மூலம் இணையம் வழியே கற்கை நெறிகளை உருவாக்க முடியும். அதன் மூலம மாணவர்கள்  தொலவிலிருந்த படியே கற்கை நெறிகளைத் தொடர முடிகிறது. மெய்நிகர் வகுப்பறை (virtual classroom)  பொதுவாக மூடில் மென்பொருள் மூலம் உருவாக்கப்படும் ஓன்லைன் தொடரறா இணைய தளங்கலில் முகப்புப் பக்கத்தில் அந்தப் பாட நெறியைப் பயிலும் மாணவர்களின் பட்டியல், கற்பிக்கும் விரிவுரையாளர்களின் விவரங்கள் உட்பட  பாட நெறிகான  நாட்காட்டி, மேலும் வழங்கப்பட்ட ஒப்படைகள் போன்றன  முகப்புப் பக்கத்திலேயே காண்பிக்கப்படும்
இது ஒரு திறந்த மூல நிரல் மென்பொருள் என்பதால் வணிக நோக்கிலான மின்னணு கற்றல் மென்பொருள்களுக்கு ஒரு சிறந்த மாற்றீடாகக் கருத்தப்படுகிறது.

டென் மினிட் மெயில் (10 Minute Mail)

டென் மினிட் மெயில் (10 Minute Mail)  என்பது  என்பது பயன் படுத்திவிட்டு நிறுத்தி விடக்கூடிய ஒரு வித்தியாசமான, தற்காலிகமான மின்னஞ்சல் சேவை. இந்த மின்னஞ்சல் சேவை வெறும் பத்து நிமிடங்கள் மட்டுமே செயற்பாட்டில் இருக்கும். பத்து நிமிடங்களுக்குள் உங்கள் விருப்பம் போல் செய்திகளை அனுப்பபவும் பெறவும் முடியும்.  இந்த 10MinuteMail இணைய தளத்தினுள் நுழைந்ததுமே ஒரு தற்காலிகமான மின்னஞ்சல் முகவரி உங்களுக்கு வழங்கப்படும். உங்களைப் பற்றிய எந்த விவரங்களும் கேட்கப்படமாட்டாது. பதிவு செய்ய வேண்டிய தேவையுமில்லை. கடவுச்சொல் கூட அவசியமில்லை. பத்து நிமிடங்கள் மட்டுமே செயற்படும் இந்த டென் மினிட் மெயில் மின்னஞ்சல் சேவையை அவசர தேவைகளுக்காகவும் தற்காலிகமான தேவைகளுக்காகவும்  பயன் படுத்திக் கொள்ளலாம். இணைய தள முகவரி : https://10minutemail.com

Internet Archive - Wayback Machine

நீங்கள் தற்போது பார்வையிடும் பிரபலமான இணைய தளங்களின் பழைய தோற்றத்தைப் பார்வையிட வேண்டுமா? இந்த வசதியத் தருகிறது archive.org எனும் இணைய தளம். இந்த இணைய தளம் உலகலாவிய வலைத் தளத்திலுள;ள (www) அனைத்து இணைய தளங்களையும் அவ்வப்போது தனது காப்பகத்தில் சேமித்து விடுகிறது. நீங்கள் தற்போது ஒரு  இணைய தளங்களின் பழைய தோற்றத்தைப் பார்வையிடவிரும்பினால்

archive.org தளத்திற்குச் செல;லுங;கள் அங்கு Wayback Machineஎனும் பகுதியில் நீங்கள் பார்க்க விரும்பும் இணைய தளத்தின்  பெயரை டைப் செய;து "Take Me Back"  பட்டனில் க்ளிக் செய்யுங்கள் அப்போது கடந;த சில வருடங்களுக்குரிய ஒரு நாட்காட்டி காண்பிக்கப்படும். இந்த  நாட்காட்டியில் சில திகதிகள் வட்டமிடப்பட்டிருக்கும்.  ஒரு திகதியில் க்ளிக் செய்து அந்த இணைய தளத்தின் பழைய தோற்றத்தைப் பார்க்கலாம்.  

Create your own font face?

எழுத்துருக்களை உருவாக்க ஒரு தளம்..

நீங்கள் விரும்பும் வடிவத்தில் எழுத்துருக்களை உருவாக்க உதவுகிறது fontstuct.com   இனைய தளம். இவ்விணைய தளத்தில் நுளைந்து இலவசமாக ஒரு கணக்கை உருவாக்கி விட்டு “Create new fontstruction” எனும் இணைப்பில் க்ளிக் செய்யுங்கள். அப்போது  நீங்கள் உருவாக்க விரும்பும் எழுத்துருவுக்கு ஒரு பெயரை வழங்கச் சொல்லுங்கள்.  அடுத்து நீங்கள் விரும்பிய எழுத்துருவை “A” முதல்  “Z” வரை ஆங்கில பெரிய எழுத்திலும் (uppercase) சிறிய எழுத்திலும் (lowercase) உருவாக்கிக் கொள்ளலாம். இங்கு உங்கள் கற்பனைத் திறனும் முக்கியம். எழுத்துரு உருவாக்கும் பணி முடிந்ததும் download பட்டனில் க்ளிக் செய்து உங்கள் கணினிக்கு உடனடியாக தரவிறகம் செய்து கொள்ளலாம். இந்த எழுத்துரு பைல,  சிப் எனும் சுருக்கப்பட்ட பைல் வடிவிலேயே தரவிரக்கம் ஆகும் என்பதனால அதனை அன்சிப் செய்தே பயன் படுத்த வேண்டும்.  -அனூப்-

mail.com

mail.com போனதுண்டா?

மின்னஞ்சல் எனும் போது யாஹூ ஜி-மெயில், ஹொட்மெயில் போன்ற பிரபலமான மின்னஞ்சல் சேவை தரும் நிறுவனங்களின் பெயர்களையே நீங்கள் நினைவில் வைத்திருப்பீர்கள். இத்தளங்களில் நீங்கள் விரும்பும் பயனர் பெயரோடு மின்னஞ்சல் முகவரிகளை உருவாக்கிக் கொள்ளலாம். ஆனால் டொமேன் (Domain) பெயரை நீங்கள் பெயரை மாற்ற முடியாது. உதாரணமாக ஜிமெயில் தளத்தில் ரவி உருவாக்கிய மின்னஞ்சல் முகவரி ravi@gmail.com  எனவே அமையும்.  ஆனால நீங்கள் விரும்பிய பெயருடன் டொமேன் பெயரையும் மாற்றி மின்னஞ்சல் முகவரிகளை  உருவாக்கக் கூடிய வசதியைத் தருகிறது  mail.com எனும் இணைய தளம். இங்கு மின்னஞ்சல்ல் முகவரி ஒன்றை உருவாக்கும் போது நூறுக்கும் மேற்பட்ட ஏராளமான டொமேன் பெயர்களைப் பட்டியலிடுகிறது mail.com எனும் இணைய தளம். -அனூப்-

Make gif files easily - gifmaker.me

gifmaker.me

இணைய தளங்களில் கனப்பொழுதில் மாறிக் கொண்டிருக்கும் படங்களைக் நீங்கள் பார்த்திருப்பீர்கள். இவ்வாறான படங்களை Gif animation எனப்படும். இந்த Gif எனிமேசன் படங்களை உருவாக்க மென்பொருள் கருவிகள் ஏராளம் உள்ளன. எனினும் மென்பொருள்களைப் பயன் படுத்தமால் இணையத்தின் மூலமே அழகிய ஜிப் எனிமேசன்களை உருவாக்க உதவுகிறது  http://gifmaker.me  எனும் இணைய தளம். இத்தளத்தில் நுளைந்து நீங்கள் எனிமேசன் உருவாக்க விரும்பும்; படங்களை அப்லோட் செய்து விட்டு இரண்டொரு நிமிடங்களில் அழகிய அசைவூட்டலுடன் Gif பைலாக டவுன்லோட் செய்து கொள்ளலாம்.

அனூப்

Search the Web for sound effects - findsounds.com

www.findsounds.com

பல்வேறு வகையான ஒலிக் கோப்புக் களின் களஞ்சியம் findsounds.com

இந்த இணைய தளத்தில் வெவ்வேறு ஒலி தரத்தில் வெவ்வேறு ஃபைல் வடிவங்களில் நீங்கள் விரும்பும் ஒலிகளைக் கேட்கலாம். ப்லே ஸ்டோரிலும் இதற்கான எப்லிகேசன் கிடைக்கிறது. 

அனூப்

Learn photography..http://camerasim.com

 புகைப்படம் எடுப்பது எப்படி?  

டிஜிட்டல்கேமராக்களின் வருகை புகைப் படம் எடுக்கும் கலையை மிகவும் எளிதாக மாற்றியிருக்கிறது. ஒரு போட்டோ எடுப்பதற்கு சட்டரை மாத்திரம் அழுத்தி விட்டால் போதும். ஒரு நல்ல படத்தை எடுத்து விடலாம். அவ்வப்போது நாம் கண்களில் படும் காட்சிகளைப் (snaps) படம் பிடிப்பதற்கு சட்டரை அழுத்துவதற்கு மாத்திரம் அறிந்து கொண்டால் போதுமான துதான். ஆனால் ஒரு புகைப் படத்தை மிகச் சிறப்பாக எடுப்பதற்கு புகைபடக் கலையில் சிறந்த தேர்ச்சியும் அறிவும் அவசியம்.

சிறப்பாகபுகைப்படம் எடுப்பது எப்படி என்பதை கற்றுத் தருகிறது ஒரு இணையதளம். இதன் மூலம் கேமரா இல்லாமலேயே கேமராவில் படமெடுப்பது போன்ற உணர்வுடன் (simulates) புகைபடக் கலையைக் கற்றுக் கொள்ள முடியும்.  நீங்கள் focal length, ISO, aperture, shutter  speed என வெவ்வேறு செட்டிங்ஸ் மாற்றியமைத்து படம் பிடித்து அதனை அந்த இணைய தளத்திலேயே உடனடியாகவே பார்க்கவும் முடிகிறது.   http://camerasim.com

அனூப்

Which program opens the file?

ஃபைலைத் திறக்கும் அப்லிகேசன் எது? 

விண்டோஸ் இயங்கு தளத்தில் ஃபைல் ஒன்றைத் திறக்கும் போது உரிய அப்லிகேசனில் இயல்பாகத் திறந்து கொள்ளும். ஆனால்சில வேளைகளில் ஒரு ஃபைலைத் திறக்கும் போது அந்த ஃபைலைத் திறந்து கொள்ளும் அப்லிகேசன் நமது கணினியில் நிறுவப்பட்டிருக்காது. அப்போதுஒரு டயலொக் பொக்ஸ் தோன்றி அந்த ஃபைலைத் திறப்பதற்கான அப்லிகேசனைக் காண்பிக்குமாறு எம்மிடம் கேட்கும். உரியஅப்லிகேசன் கணினியில் நிறுவப்படிருந்தால் அதனைக் காட்டி விட முடியும்.

எனினும் ஒரு ஃபைலைத் திறப்பதற் கான அப்லிகேசன் எதுவென  நாமும் அறியாதபோது என்ன செய்யலாம்? இவ்வாறானசந்தர்ப்பத்தில் நமக்கு உதவுகிறது OpenWith.orgஎனும் இணைய தளம். இவ்விணையதளத்தில் எராளமான பல்வேறு ஃபைல் வகைகளையும் அவற்றைத் திறக்கக் கூடிய அப்லிகேசன்களும் பட்டியலிடப்பட்டுள்ளன. எமதுகணி னியில் அந்த அப்லிகேசன் நிறுவப்பட்டிராத போது அதனை இணையத்தி லிருந்து டவுன்லோட் செய்து கொள்ளக் கூடியவாறு இணைப்பையும் தருகிறது இந்த இணைய தளம்.  மேலும் இணைய இணைப்பு இன்றி  கணினியில் நிறுவிப் பயன் படுத்ததக் கூடிய வகையில் மென்பொருள் வடிவிலும் கிடைக்கிறது.  http://www.openwith.org/

அனூப்

Bookboon.com for free e-books

மின்நூல்களுக்கான ஒரு தளம் Bookboon.com. 

e-books எனப்படும் மின் நூல்கள் கற்பதில் ஆர்வமுள்ள  இணைய பயனர்க்ள் மத்தியில் பெரும் வர வேற்பைப் பெற்றுள்ளன. .மின் நூல்களைப் பதிப்பிக்கும் ஏராளமான இணையதளங்களும்  உள்ளன. எனினும் எமக்குத் தேவையான மின் நூல்களை இவசமாகப் பெறுவதென்பது  ஒரு கடினமான விடயமே. இலவச மின் நூல்களையத் தரும் தளங்களைப் பட்டியலிடுமாறு கூகிலைக் கேட்டபோது மறுக்காமல் பல தளங்களைப் பட்டியலிட்டது. 

எனினும் அவற்றில் பல தளங்கள் விளம்பரங்களைக் காண்பித்து எரிச்சலூட்டின. சில தளங்கள்  டவுன்லோட் பணியை தமதப் படுத்தின. இன்னும் சில தளங்களில் எதனை டவுன்லோட் செய்வது என்பதையே புரிந்து கொள்ள முடியாதபடி எத்தனையோ டவுன்லோட் லிங்குகள் காண்பித்தன. இவ்வாறு பல இன்னல்களுக்கு மத்தியில் கண்டெடுத்ததுதான் Bookboon.com.

இங்கு மாணவர்களுக்குக் குறிப்பாக உயர் கல்வியைத் தொடரும் மாணவர்களுக்குப் பல்வேறு பாட விடயங்களத் தாங்கிய  ஏராளமான மின் நூல்கள் அடுக்கி வைக்கப் பட்டுள்ள்ன., மேலும் இத்தளத்தின் இடை முகப்பும் பயனரை இலகுவாகக் கவரும் வண்ணம் உள்ளது. எந்த தடையு மில்லாமல் இலகுவாக டவுன்லோட் செய்யக் கூடிய வசதியையும் தருகிறது  கற்பதில் ஆரவமுள்ள மாணவர்களுக்கான ஒரு தளம்.

 . www.bookboon.com

-அனூப்-

Test your eye sight

கண் பார்வையைப் பரீட்சிக்க..

ஓன்லைனில் உங்கள கண் பார்வையைப் பரீட்சித்துப் பார்க்கும் வசதியைத் தருகிறது ஓர்இணையதளம். பல்வேறு வகையான கண் பார்வைச் சோதனைகள இந்த இணைய தளத்தில் தரப்பட்டுள்ளன. உங்கள் கண் பார்வையை இவற்றின் மூலம் பரீட்சித்து  நண்பர். உறவினர்களுடன் ஒப்பிட்டுப் பார்க்கலாம். பார்வைக் குறைபாடுகள் தெரியுமிடத்து ஒரு கண் வைத்தியரை நாடி பார்வைக் கோளாறு தீவிரமடைவதை ஒரளவாவது குறைத்துக் கொள்ளவும்  முடியும். கண் பார்வையைப் பரீட்சிக்க செல்ல வேண்டிய இணைய தள முகவரி.. http://www.freevisiontest.com/

-அனூப்-

Learnerstv.com

Learnerstv.com

Learnerstv.comஎன்பது ஒரு முழுமையான கல்வி சார்ந்த இணைய தளம்...இவ்விணைய தளம் பௌதிகவியல், உயிரியல் விஞ்ஞானம், இரசாயனவியல், கணிதம், கணினி விஞ்ஞானம், பொறியியல், மருத்துவம், முகாமைத்துவம், கணக்கியல்,  வரலாறு, இலக்கியம், பொருளியல் என பல்வேறு துறை சார்ந்த ஆயிரத்துக்கும் மேற்பட்ட வீடியோ பாடங்களைக் கொண்டிருக்கிறது..

வீடியோ மட்டுமல்லாது ஓடியோ பாடங்கள்,  பாடக் குறிப்புகள், நிகழ நேர பரீட்சைகள் என பல்வேறு வகையான கற்றல் . கற்பித்தல்  உதவிகள் தரப்படுள்ளன. அத்தோடு இவற்றை இலவசமாகத் தரவிறக்கிப் பயன் படுத்தும் வசதியையும் கூட வழங்குகிறது.

உயர் தரத்தில் கல்வி கற்கும் மாணவர்களுக்கும், பல்கலைக் கழக மாணவர்களுக்கும் Learnerstv.com ஒரு பயனுள்ள தளமாகும்.

-அனூப்-

Google Translate

தமிழிலும் மொழி பெயர்க்கிறது கூகில் !

இணையம் வழியே பல சேவைகளை வழங்கி வரும் கூகில் நிறுவனம் தற்போது தமிழ் மொழி பெயர்ப்பு வசதியையும் கடந்த மாதம்  தனது Google Translate மூலம் வழங்க ஆரம்பித்துள்ளது. இதன் மூலம் டைப் செய்யப்பட்ட ஒரு பந்தி,  ஒரு ஆவணம் அல்லது ஒரு இணைய பக்கம் என்பவற்றை ஆங்கிலத்திலிருந்து தமிழுக்கோ தமிழிலிருந்து ஆங்கிலத்துக்கோ இலகுவாக மொழி மாற்றம் செய்து கொள்ளலாம.

தமிழுடன் பிற இந்திய மொழிகளான தெழுங்கு, கன்ன்டம், குஜராத்தி, பெங்காலி மொழிகளுக்கும் இந்த மொழிபெயர்ப்பு சேவையை ஆரம்பித்துள்ளது. தமிழிலிருந்து ஆங்கில மொழிக்கு மட்டுமன்றி பிற மொழிகளுக்கும் இதன் மூலம் மொழி மாற்றம் செய்து கொள்ளலாம். ஹிந்தி மொழிக்கான மொழிபெயர்ப்பு சேவையை முன்னரேயே ஆரம்பித்திருந்தது. தற்போது  கூகில் நிறுவனம் மொத்தம் 63 உலக மொழிகளுக்கு மொழி பெயர்ப்பு சேவையை வழங்கி வருவது குறிப்பிடத்தக்கது. இந்த சேவையை கூகில் இணைய தளத்தில் Translate லிங்கில் க்ளிக் செய்து பெறலாம். அல்லது நேரடியாக http://translate.google.lk என டைப் செய்தும் அணுகலாம்.

-அனூப்- 

இணையத்தில் குர்-ஆன்

இன்று ஹஜ் பெருநாளைக் கொண்டாடும் முஸ்லிம் வாசகர்களுக்கு ஐடி வலம் சார்பாக பெருநாள் வாழ்துக்களைத் தெரிவித்துக் கொள்வதோடு பயனுள்ள ஒரு இணைய தளத்தையும் அவர்களுக்காக அறிமுகம் செய்ய நினைக்கிறேன். தளத்தின் பெயர் தன்ஸீல். இந்த இணைய தளத்தில் முஸ்லிம்களின் புனித நூலான அல் குர்-ஆன் முழுமையாக எழுத்து வடிவிலும் ஒலி வடிவிலும் தரப்பட்டுள்ளது. இதன் மூலம் அல் குர்-ஆனின் எந்த ஒரு அத்தியாயத்தையும் விரும்பிய ஒழுங்கில் பார்வையிடவோ ஒலிக்க வைக்கவோ முடியும். அத்தோடு அல்குரானை முறையாகவும் அழகாகவும் ஓதுவதில் தேர்ச்சி பெற்ற (காரிகள்) பலரின் குரலில் கேட்கவும் முடிகிறது. அல்குரானின் மொழி பெயர்ப்பையும் கூட தமிழ் உட்பட ஏராளமான மொழிகளில் பெறக்கூடியதாகவும் இருப்பது இந்த தளத்தின் மற்றுமொரு சிறப்பம்சமாகும். இந்த இணைய தளத்தைப் பார்வையிட நீங்கள் செல்ல வேண்டிய முகவரி www.tanzil.info

-அனூப்-