How to start your on blog?

எண்ணங்களைப் பதிவு செய்யும் Blog எனும் வலைப்பதிவு!

ஒரு இணைய தளத்தை உருவாக்கி அதனை இணையத்தில் உலாவ விட்டு அடுத்தவர்களின் பார்வைக்கு சமர்ப்பிப்பதில் உங்களுக்கும் ஆசை இருக்கலாம். ஆனால் ஒரு இணையதளத்தை வடிவமைப்பது முதல் பதிவேற்றம் செய்வது வரையான பல நுட்பங்களை அற்ந்திருக்க மாட்டீகள். அப்படியே அறிந்திருந் தாலும் domain name registration, hosting, designing, uploading எனப் பல செலவுகளும் காத்திருக்கும். நேர விரயம் கூட உண்டு.

உங்களைப் போன்றவர்களின் ஆசைகளை நிறைவேற்றிக் கொள்வதற் காகவே இணையத்தில் கிடைக்கிறது ப்ளொக் எனும் வலைப்பதிவு. தற்போது இணைய தளங்களை உருவாக்குவதை விட வலைப்பதிவுகளின் உருவாக்கத்திலேயே பலரும் ஆர்வம் காட்டுகின்றனர்.

இணையதளம் (website), வலைப்பதிவு(blog) இரண்டும் அடிப்படையில் ஒன்றாக இருந்தாலும் வலைப்பதிவு எனப்படுவது வழமையான இணையதளத்திலி ருந்து சற்றே மாறு பட்டது. Blog எனும் சொல் Web Log எனும் இரண்டு ஆங்கில வார்த்தைகளிலிருந்து பிறந்தது. அத்துடன் வலைப்பதிவாளரை Blogger என்றும் அழைப்பர்.

இணையதளம், வலைப்பதிவு இரண்டிற்குமிடையில் என்னென்ன வேறுபா டுகள் உள்ளன என்பதைச் சொல்வதை விட வலைப்பதிவில் என்னென்ன வசதிகள் கிடைக்கின்றன எனப் பார்க்கலாம்.

அன்றாடம் மனதில் தோன்றும் எண்ணங்களைப் பதிவு செய்வதை ஆங்கிலத்தில் ஜெர்னல் (journal) எனப்படுகிறது. வலைப்பதிவு என்பதும் ஒரு வகை (நாட் குறிப்பேடு) ஜெர்னல்தான். வலைப்பதிவை ஒரு இணைய நாட்குறிப்பேடு (online journal) என அழைக்கிறார்கள். இந்த வலைப்பதிவில் இதனைப் பற்றித்தான் சொல்ல வேண்டும்; இதனைப் பற்றிப் பேசக் கூடாது என்ற வரையறை இல்லை. யாரும் எதனைப் பறறியும் எழுதலாம். அது ஒரு தனிப்பட்ட விடயமாக, குடும்ப விடயமாக, நாட்டு நடப்பு, அரசியல், விளையாட்டு, சினிமா, விஞ்ஞானம், தொழில் நுட்பம், வரலாறு, சுற்றுலா, சமயம், கதை, கவிதை, கல்வி, காதல் என எதுவாகவும் இருக்கலாம். அதேவேளை சொல்லும் விடயம் யாரையும் தனிப்பட்ட முறையில் புண்படுத்தாதவாறும் இருத்தல் அவசியம். ஏனெனில் அவதூறு செய்து சிறையில் தள்ளப்பட்ட ப்ளொக்கர்களும் நிறையவே உண்டு.

போன்ற உங்கள் சொந்த அனுபவங்கள் மனதில் அவ்வப்போது தோன்றும் எண்ணங்கள், ஆசைகள், கனவுகள், கற்பனைகள், நாட்டு நடப்புகள் மற்றும் சமூக அவலங்கள் பற்றிய உங்கள் மனக் குமுறல்கள் என அனைத்தையும் கொட்டித் தீர்க்கும் இடமே வலைப்பதிவு. (வழமையான இணைய தளங்களில் இது போன்ற விடயங்களைப் பார்க்க முடியாது)

கொஞ்சம் எழுத்தாற்றல், கொஞ்சம் தொழிநுட்ப அறிவு இவையிரண்டும் இருந்தால் நீங்களும் ஒரு வலைப் பதிவைப் முறையாகப் பேணி வரலாம். ஆனால் நான் மேலே உதாரணமாகக் குறிப்பிட்டது போன்ற விடயங்களாக அல்லாமல் உருப்படியான, உபயோகமான தகவல்களாய் இருப்பது நல்லது. மேலும் வலைப்பAவானது ஒரு கலவையாக அல்லாமல் குறிப்பிட்ட ஒரு விடயம் சார்ந்ததாகவும் இருக்கலாம்.

வலைப்பதிவானது வெறும் உரைப்பகுதியாகவே இருப்பதும் அதனைப் பார்வையிடுபவர்களுக்கு சலிப்பைத் தரும். அதனால் உரையுடன் படங்கள், வீடியோ, கிரபிகஸ், இசை என்பவற்றையும் இணைத்து விடலாம். உங்களுக்கு எழுத்தாற்றல் இல்லையானால் உங்கள் கேமராவில் பதிவு செய்த நிழற்படங்கள் கொண்டு வலைப்பதிவிடலாம்.

வலைப் பதிவானது அதன் பதிவாளர்களால் அடிக்கடி update செய்யப்பட்டுக் கொண்டேயிருக்கும். நாளாந்தம் அல்லது வாராவாரம் புதிது புதிதாக செய்திகள் ஆக்கங்கள் பதியப்பட்டுக் கொண்டேயிருக்கும். ஒரே நாளில் ஒரு தடவைக்கு மேல் அப்டேட் செய்பவர்களும் உள்ளனர். புதிதாக ஆக்கங்கள் சேர்க்கப்படும்போது பழையவை அழிந்து போய் விடுமா என்றால் இல்லை. பழையவையும் காப்பகத்டதில் கோர்வையாக சேமிக்கப்படும். எந்த ஆக்கம் எப்போது என்ன திகதியில் எந்த நேரத்தில் சேர்க்கப்படது போன்ற விடயங்களும் கூட அப்படியே இருக்கும்.

வலைப்பதிவிலுள்ள ஆக்கங்களை வாசிப்பவர்கள் தாங்கள் கருத்துக்க ளையும் (comments)வலையில் பதியலாம். விமர்சிக்கலாம். கேள்விகள் கேட்கலாம். கருத்துக்கள் பறிமாறலாம். பார்வையாளர்களின் கருத்துக்களும் கூட காப்பகத்தில் சேமிக்கப்படும். வாசகர் வட்டம் போல் வலைப்பதி வாளர்கள் பல பேர் இணைந்த வலைப்படதிவாளர் வட்டங்கள் கூட உண்டு.

இணையதளங்களில் போன்றே ப்ளொக் தளங்களிலும் hit counter, GeoCounter, Links என்பவற்றையும் செருகலாம். அத்துடன் உருவாக்கிய வலைப்பதிவை உலகத்தின் பார்வைக்கு சமர்ப்பிக்காமல் உங்கள் பதிவுகளை நீங்கள் விரும்பும் ஒரு குழுவினர் மட்டுமே பார்வையிடுமாறும் செய்யலாம்.

வலைப்பதிவை உருவாகுவது எப்படி?

ஒரு மின்னஞ்சல் முகவரி மற்றும் இணைய வசதியுடன் கூடிய ஒரு கணினி இருந்தால் போதும். ஒரு ப்ளொக் தளத்தை நீங்களும் உருவாக்கி விடலாம்.

ப்ளொக் தளங்களை உருவாக்கும் வசதியை ஏராளமான நிறுவனங்கள் இமெயில் சேவை வழங்குவதுபோல் இவசமாகவே வழங்குகின்றான. இவற்றுல் கூகில் நதிறுவனத்திற்குச் சொந்தமான Blogger மற்றும் Word Press என்பன இலவச ப்ளொக் தளம் அமைத்துக் கொடுப்பதில் பிரபல்பயம் வாய்ந்தன.

Blogger தளத்தின் மூலம் ஒரு வலைப் பதிவை எவ்வாறு உருவாக்குவதென்பதை இங்கே விளக்கலாமென நினைக்கிறேன். blogger தளத்தின் மூலம் ஒரு வலைப் பதிவை மூன்று படி நிலைகளில் மூன்றே நிமிடத்தில் உருவாக்கி விடலாம். அதற்கு நீங்கள் இணைய தளம் உருவாக்கம் பற்றிய அறிவோ அல்லது பெரிய கணினி நிபுணராகவோ இருக்க வேண்டியதில்லை. இணையப் பயன்பாட்டில் சிறிதளவு அனுபவத்துடன் ஓரளவு டைப்பிங் செய்யக் கூடியவாராகவும் இருந்தாலே போதும்.

உங்கள் வலைப்பதிவை தமிழிலேயே பதிப்பிக்கலாம். தமிழில் பதிப்பிப்பதற்குப் புதிதாக எந்த எழுத்துருவையும் நிறுவ வேண்டியதில்லை. Phonetic முறையில் தமிழில் உள்ளீடு செய்யக் கூடிய வசதியையும் தருகிறது ப்ளொக்கர் தளம். அத்துடன் எம்.எஸ். வர்டில் டைப் செய்ததை அப்படியே ப்ளொக்கர் தளத்திற்கு பதிவேற்றவும் முடியும். ப்ளொக் தளத்தை உங்கள் விருப்பம்போல் (customization) மாற்றியமைக்கக் கூடிய வசதியையும் Blogger தருகிறது.

முதலில் www.blogger.com தளத்திற்குச் செல்லுங்கள். blogger தளத்தின் முதல் பக்கத்தில் create your blog now (படம்-1) எனும் லிங்கில் க்ளிக் செய்யுங்கள். அதன்மூலம் முதற் படிக்கு அழைத்துவரப்படுவீர்கள். இங்கு நீங்கள் ஒரு கூகில் கணக்கை (Google Account)உருவாக்க வேண்டயிருக்கும் (படம்-2). ஏற்கனவே உங்களிடம் கூகில் கணக்கு இருந்தால் sign in செய்து அடுத்த கட்டத்திற்குத் தாவலாம்.

கூகில் கணக்கு இல்லாதவர்கள் ஒரு ஈமெயில் முகவரியையும் பாஸ்வர்டையும் சமர்ப்பித்து கூகில் கணக்கை உருவாக்கிக் கொள்ளலாம். இமெயில் முகவரியானது ஒரு ஜிமெயில் முகவரியாக இருக்க வேண்டிய கட்டாயமில்லை. அடுத்து Continue பட்டனில் க்ளிக் செய்து இரண்டாவது கட்டத்திற்கு வாருங்கள்.

இரண்டாவது கட்டத்தில் Blog தளத்திற்கான பெயரையும் (படம்-3) இணைய முகவரியையும் வழங்க வேண்டும். தலைப்பு என்பது பிரவுசரின் டைட்டில் பாரில் தோன்றும் தலைப்பாகும். ப்ளொக்கர் தளத்தில் வலைப்பதிவிற்குரிய முகவரி http: //name.blogspot.com எனும் வடிவத்தில் இருக்கும். உதாரணமாக ப்ளொக் முகவரியாக சிவா எனக் கொடுத்தால் siva.blogspot.com என அமையும். ஆனால் ஒரே முகவரியில் ஒருவர் மாத்திரமே இருக்கலாம் என்பதையும் நீங்கள் அறிந்திருப்பீர்கள். அடுத்து Continue பட்டனில் க்Dக் செய்து பயணத்தைத் தொடருங்கள்.

இப்போது தளத்திற்கு நீங்கள் விரும்பும் ஒரு டெம்ப்லேட்டைத் (படம்-4) தெரிவு செய்து Continue பட்டனில் க்ளிக் செய்ய Your blog has been created (படம்-5) என்ற செய்தியைக் காணலாம். இப்போது ப்ளொக் தளம் உருவாக்கியாச்சு. இப்போது Start blogging பட்டனில் க்ளிக் செய்ய வரும் திரையில் Posting டேபில் (படம்-6) க்ளிக் செய்து உங்கள் ஆக்கங்களைப் பதிப்பிக்க ஆரம்பிக்கலாம்.

உங்கள் ஆக்கங்களைத் தமிழில் பதிப்பிக்க Settings டேபில் Global settings பகுதியில் Enable transliteration (படம்-7)என்பதை Enable செய்து அதன் பக்கத்திலுள்ள பெட்டியில் தமிழ் மொழியைத் தெரிவு செய்து Save settings க்ளிக் செய்யுங்கள். இப்போது Posting டேபில் க்ளிக் செய்ய Phonetic முறைIல் தமிழில் உள்ளீடு செய்யலாம். அது மட்டுமன்றி வலைப் பயதிவிலுள்ள சூட்சுமங்களை நீங்களாகவே ஓரிரு வாரங்களில் கற்றுக் கொள்ளலாம்.

-அனூப்-

How to make your folders private

என் "போல்டர்" தான்  ! எனக்கு மட்டும்தான் !!

ஒரே கணினியைப் பல பேர் பயன்படுத்தும் சூழலில் ஒவ்வொருவரும் தங்களுக்கென பயனர் கணக்கு உருவாக்கிக் கணினியில் பணியாற்றுவர். இந்தப் பயனர் கணக்கு மூலம் ஒவ்வொருவரும் தங்களுக்கேற்ற செட்டிங்ஸைக் கணினியில் பேண முடிவதுடன் தங்களின் முக்கிய ஆவணங்களை அடுத்த பயனர்களின் பார்வையிலிருந்தும் மறைத்து விடலாம்.

எனினும் பயனர் கணக்கு, பாஸ்வர்ட் என தீவிர பாதுகாப்பு வழங்கியிருந்தாலும் அடுத்தவர்கள் உங்கள் ஆவணங்களை அணுக வேறு வழிகளிருக்கின்றன. விண்டோஸ் நிறுவப்பட்டிருக்கும் ட்ரைவி லுள்ள Documents and settings போல்டரைத் திறப்பதன் மூலம் உங்கள் ஆவணங்களை அடுத்தவர்கள் பார்வைIட முடியும். இந்த Documents and settings போல்டர் மூலம் எமது ஆவணங்களை வேறு எவரும் அணுகா வண்ணம் பாதுகாக்கவும் விண்டோஸில் வழி வகைகளுண்டு. அதனைத்தான் சொல்கிறது மேலேயுள்ள தலைப்பு.

உங்கள் போல்டரை நீங்கள் மட்டுமே திறந்து பார்க்கக் கூடிய வசதியைத் தருகிறது விண்டோஸ். இந்த வசதி பயனர் கணக்கிற்குரிய போல்டரிற்குள்ளேயிருக்கும் (user profile folder) My Documents மற்றும் அதற் குள்ளேயிருக்கும் subfolder, Desktop, Start Menu, Cookies, and Favorites போன்ற போல்டர்களை மட்டுமே இவ்வாறு பாதுகாக்கலாம். அத்துடன் இந்த வசதியைப் பெற நீங்கள் விண்டோஸ் நிறுவியிருக்கும் ட்ரைவானது (NTFS - New Technology File System) முறையில் format செய்யப்பட்டிருத்தல் அவசியம்.

போல்டர்களை எவ்வாறு பாதுகாப்பது?

முதலில் சிஸ்டம் நிறுவியுள்ள ட்ரைவை (அனேகமாக Drive: C ) திறந்து கொள்ளுங்கள். அந்த ட்ரைவிலுள்ள பைல்கள் நீல நிற “போர்வை”யால் மறைக்கப்படிருந்தால் Show the contents of this drive என்பதில் க்ளிக் செய்து போர்வையை நீக்குங்கள். பிறகு அங்கு Documents and Settings போல்டரைத் திறந்து கொள்ளுங்கள். அடுத்து உங்கள் பயனர் கணக்குக்குரிய போல் டரைத் திறந்து அதனுள்ளேயிருக்கும் எந்த போல்டரை மற்றவர்கள் அணுகாமல் பாதுகாக்க வேண்டுமோ அந்த போல்டரின் மேல் ரைட் க்ளிக் செய்து Properties தெரிவு செய்யுங்கள். அப்போது வரும் டயலொக் பொக்ஸில் Sharing டேபைக் க்ளிக் செய்து Make this folder private so that only I have access to it என்பதைத் தெரிவு செய்து விடுங்கள். அவ்வளவுதான். இனி எவரும் உங்கள் போல்டர்களை அணுக விண்டோஸ் அனுமதிக்காது.

-அனூப்-

Microsoft Equation Editor

கணித சமன்பாடுகளை இலகுவாக டைப்செய்ய

கணித சமன்பாடுகளை டைப் செய்வதற்கென மைக்ரோஸொப்ட் உருவாக்கியிருக்குக்கும் ஒரு மென்பொருள் கருவியே ஈகுவேசன் எடிட்டர். கணித சமன்பாடுகளை எம்.எஸ். வர்ட் போன்ற சொற்செயலி களில் (word Processor) வழமையான முறையில் டைப் செய்தால் அவற்றை நேர்த்தியாக சீரமைக்க (format) முடியாமல் இருக்கும்.

எனினும் இந்த ஈகுவேசன் எடிட்டரைக் கொண்டு கணித சமன்பாடுகளை நேர்த்தியாக டைப் செய்திட முடியும். ஈகுவேசன் எடிட்டரை எம். எஸ். வர்டில் மாத்திரமன்றி எம்.எஸ். ஒபிஸிலுள்ள எக்சல், பவபொயின்ட், எக்ஸஸ், அவுட்லுக்கிலும் கூட பயன்படுத்திக் கொள்ளலாம். எம்.எஸ். ஒபிஸ் 2000 மற்றும் அதற்குப் பிந்திய பதிப்புக்களில் ஈகுவேசன் எடிட்டர் எனும் இந்த மென்பொருள் கருவி இணைக்கப்படுள்ளது.

இருந்தாலும் ஈகுவேசன் எடிட்டரானது எம்.எஸ். ஒபிஸ் தொகுப்பை கணினியில் நிறுவும்போது டிபோல்டாக நிறுவப்படுவதில்லை. அதனை நாமாகவே நிறுவிக் கொள்ள வேண்டும். இதனைக் கணினியில் நிறுவ வேண்டுமாயின், பின் வரும் வழிமுறையைக் கையாளுங்கள்.

முதலில் எம்.எஸ்.ஒபிஸ் எக்ஸ்பீ அல்லது 2003 சீடியை உட்செலுத்துங்கள். அடுத்து கண்ட்ரோல் பேணலில் நுளைந்து Add or Remove Programs க்ளிக் செய்யுங்கள். அப்போது தோன்றும் டயலொக் பொக்ஸில் Microsoft Office தெரிவு செய்து Change (படம்-1) பட்டனில் க்ளிக் செய்யுங்கள். பின்னர் தோன்றும் டயலொக் பொக்ஸில் Add or Remove Features (படம்-2) தெரிவு செய்து நெக்ஸ்ட் பட்டனில் க்ளிக் செய்யுங்கள்.

அடுத்து வரும் டயலொக் பொக்ஸில் Choose advanced customization of applications தெரிவு செய்து (படம்-3) நெக்ஸ்ட் பட்டனில் க்ளிக் செய்யுங்கள். பின்னர் வரும் திரையில் Office Tools (படம்-4) என்பதற்கு இடது பக்கத்திலுள்ள (+) குறியீட்டில் க்ளிக் செய்ய ஒரு பட்டியல் விரிவடையக் காணலாம். அதிலிருந்து Microsoft Equation Editor என்பதற்கு இடப்புறமுள்ள அம்புக் குறியில் க்ளிக் செய்து தோன்றும் மெனுவிலிருந்து Run from My Computer தெரிவு செய்து Update பட்டனில் க்ளிக் செய்ய உங்கள் கணினியில் ஈகுவேசன் எடிட்டர் நிறுவப்பட்டுவிடும்.

ஈகுவேசன் எடிட்டரை எங்ருந்து ஆரம்பிப்பது?

ஏதேனுமொரு ஒபிஸ் எப்லிகேசனை (உதாரணமாக எம்.எஸ். வர்டை)விதிறந்து கொள்ளுங்கள். எம்.எஸ். வர்ட் விண்டோஸில் Insert மெனுவில் Object தெரிவு செய்யுங்கள். அப்போது வரும் Insert Object டயலொக் பொக்ஸிலிருந்து Create New டேFன் Xழ் Microsoft Equation 3.0 (படம்-5) என்பதைத் தெரிவு செய்ய ஒரு வெறுமையான பணித்தளத் துடனும் ஈகுவேசன் டூல்பாருடனும் கூடிய ஒரு விண்டோ தோன்றும். இந்த டூல்பாடரில் பல்வேறுவகையான கணிதத்துறையில் பயன்பாட்டி லுள்ள எழுத்துக்கள் குறியீடுகளுடன் கூடிய பட்டன்கள் காணப்படு கின்றன. இந்த பட்டன்களில் க்ள்க் செய்வதன் மூலம் தேவை யான சமன்பாடுகளை எளிமையாகவும் நேர்த்தியாகவும் தட்டச்சு செய்யலாம். இந்த சமன்பாடுகள் வர்டில் கையாளப்படும் படங்கள் மற்றும் வர்ட்ஆட் போன்று ஒரு ஒப்ஜெக்டாகவே உட்செலுத்தப்படும். இந்த சமன்பாடுகளை Picture toolbar கொண்டும் விரும்பிய மாற்றத்திற்கு உட்படுத்தலாம்.

எம்.எஸ். ஒபிஸின் அண்மைய பதிப்பான Microsoft Office 2007 ல் ஈகுவேசன் எடிட்டரானது டிபோல்டாகவே நிறுவப்பட்டு விடுகிறது என்பது குறிப்பிடத் தக்கது.

-அனூப்-

How to recover deleted files

அழித்த பைலை மீளப்பெறலாமா?

ஹாட் டிஸ்கில் சேமித்து வைத்திருந்த முக்கியமான ஒரு பைலை தவறுதலாக அழித்து விட்டீர்களா? கவலை வேண்டாம். அழித்த பைலை நீங்கள் மீட்டுக் கொள்ளலாம். அது எப்படி சாத்தியம்?

விண்டோஸில் ஒரு பைலை அழிக்கும் போது அந்த பைல் அழியாமல் வேறொரு போல்டருக்கு நகர்த்தப்படுகிறது. அந்த போல்டரையே ரீசைக்கில் பின் (Recycle Bin) என்கிறோம். அழித்த அந்த பைலை மீண்டும் தேவைப்பட்டால் ரீசைக்கில் பின்னிலிருந்து எந்த வித சேதமுமில்லாமல் மீட்டுக் கொள்ள முடியும் என்பது அனைவரும் அறிந்ததே.

ரீசைக்கில் பின்னில் அழித்த பைல் இல்லாதபோது அதாவது ரீசைக்கில் பின்னையும் காளி செய்திருந்தால் அல்லது பைலை அழிக்கும் போது Shift கீ யுடன் Delete கீயை அழுத்தியிருந்தால் அல்லது ஏதேனுமொரு வழியில் ரீசைக்கில் பின்னுக்குச் செல்லாமலேய்யே அழித்திருந்தால் நீங்கள் இனிப் பீதி கொள்ள வேண்டியதில்லை. அந்த பைலை மீட்க இன்னும் சந்தர்ப்பமீருக்Bறது.

நீங்கள் கணினியிருந்து ஒரு பைலை அழிக்கும் போது அந்த பைல் நிரந்தரமாக அழிவதில்லை. மாறாக அந்த பைல் பெயர் மட்டுமே அழிக்கப்படுகிறது. அவ்வளவுதான். இருப்பினும் அந்த பைலை விண்டோஸ் எமக்குக் காண்பிப்பதில்லை. ஆனால் அந்த பைல் முழுமையாக அழிந்து விட்டதாக நாம் கருதுகிறோம். எனினும் அந்த பைல் இருந்த இடமானது மேலும் புதிய பைல்களைச் சேமிக்கும் வண்ணம் விண்டோஸ¤க்கு வழங்கப்படுகிறது. எனினும் விண்டோஸ் அந்த இடத்தை உடனடியாகவே பயன்படுத்துவதில்லை. ஆகவே அந்த பைல் சேதமுராமல் சில காலம் ஹாட் டிஸ்கில் அப்படியே தேங்கியிருக்கும். இதனால் அந்த அழித்த பைலை மீட்கக் கூடிய சந்தர்ப்பம் நமக்குக் கிடைக்Bறது.

இருந்தாலும் அழித்த ஒரு பைலை மீட்க வேண்டுமாயின் அழித்த பிறகு உடனடியாகவோ அல்லது ஒரு சில மாதங்களிலோ மீட்கும்போது மட்டுமே அந்த பைலை முழுமையாக மீட்டுக் கொள்ள முடியும், நாட்கள் செல்லச் செல்ல அந்த பைலை முழுமையாக மீட்கக் கூடிய வாய்ப்பு குறைந்து செல்வதோடு அந்த பைல் ஹாட் டிஸ்கில் இருந்த இடத்தை விண்டோஸ் மீண்டும் உபயோகிக்கத் தொடங்கி விடும்.

அத்துடன் பைல் ஒன்றை அழித்த பிறகு அந்த ஹாட் டிஸ்கை Defragmenting, Partitioning, Formatting போன்ற செயற்பாடுகளுக்கு உட்படுத்துவதாலும் அல்லது ஹாட் டிஸ்க் சேதமுறுவதாலும் பைலை மீட்கக் கூடிய வாய்ப்பு அற்றுப் போகிறது. எனினும் அவ்வாறான செயற்பாடுகளுக்குட்படுத்திய அல்லது சேதமுற்ற ஹாட் டிஸ்கிலிருந்தும் பைல்களை மீட்டுக் கொள்வதற்கு வேறு தொழில் நுட்பங்கள் பயன்படுத்தப்படுகின்றன.

விண்டோஸில் பைல்களை விருப்பம்போல் அழிக்க முடிந்தாலும் அழித்த பைலை மீட்கக் கூடிய வசதி விண்டோஸில் இல்லை. இதற்கான மென்பொருள் கருவிகளை வேறு வழிகளிலேயே பெற்றுக் கொள்ள வேண்டும்.

இந்த மென்பொருள் கருவிகள் அழித்த பைல் பற்றிய விவரங்களை அதன் தடயங்கள் கொண்டு கண்டுபிடித்து மீட்டு விடுகிறது. இவ்வாறான மென்பொருள் கருவிகள் இணையத்தில் ஏராளமாகக் கிடைக்கின்றன. அவை ஒவ்வொன்றும் எவ்வளவு நம்பகமானது என உத்தரவாதமளிக்க முடியாது. நான் அறிந்த அளவில் Uneraser எனும் மென்பொருள் கருவி ஓரளவு சிறப்பாகச் செயல்படுBறது.

எனினும் இந்த பைல் மீட்கும் படலத்தில் நம்பிக்கை வைக்காமல் ஒரு பைலை அழிக்கு முன்னர் ஒரு தடவைக்கு நான்கு தடவை நன்றாக சிந்தித்து விட்டு அதனை அழித்து விடுவதே சிறந்த வழி.


-அனூப்-

Windows CD burner

CD யில் பதிவு செய்ய “நீரோ“ தான் வேண்டுமா?

சீடியில் பைல்களைப் பதிவு செய்ய (write / record) வேண்டிய தேவை ஏற்படும் போது எல்லோருக்கும் நினைவில் வருவது “நீரோ” மென் பொருள்தான். சீடியில் பதிவு செய்ய உதவும் மென்பொருள்களில் இந்த நீரோ தனிச் சிறப்புப் பெற்று விளங்குவதே அதற்குக் காரணம்.

எனினும் நீரோ போன்ற பிற நிறுவனங்களின் மென்பொருள்களை உபயோகிக் காமலே சீடீயில் பதிவுசெய்யக் கூடிய வசதி விண்டோஸ் எக்ஸ்பீயிலும் உள்ளிணைக்கப்பட் டுள்ளது. இதனைக் கொண்டு மிக இலகுவாக சீடியில் பதியலாம். இருந்தாலும் விண்டோஸ் கொண்டு டேட்டா மற்றும் ஓடியோ சீடீ வடிவத்தில் (data & audio CD format) மாத்திரமே பதிவு செய்ய முடியும். வீசீடீ மற்றும் டீவீடீ வடிவங்களில் பதிவு செய்ய வேண்டுமானால் நீரோ போன்றதொரு மென்பொருளை நாடத்தான் வேண்டும்.

சீடியில் பதிவு செய்ய நீங்கள் புதிதாக எந்தவொரு செட்டிங்ஸ்ஸையும் மாற்ற வேண்டியதில்லை. விண்டோஸை நிறுவியதுமே சீடி ரைட்டரும் சீடியில் பதிவு செய்யத் தயாராகி விடும். விண்டோஸில் சீடியில் பதியும் முன்னர் பதிய வேண்டிய பைல்களை முதலில் அதற்கென ஒதுக்கப்பட்டுள்ள போல்டருக்குப் பிரதி செய்து விட வேண்டும். இந்த போல்டரை விண்டோஸே உருவாக்கிக் கொண்டு சீடியில் பதிந்த பின்னர் அந்த பைல்களை அழித்து விடும். இந்த போல்டரை உங்கள் ஹாட் டிஸ்கில் எந்தவொரு பாட்டிசனிலும் வைத்துக் கொள்ளலாம்.

அதனை மாற்ற வேண்டுமானால் மட்டும் மை கம்பியூட்டர் விண்டோவில் சீடி ட்ரைவில் ரைட் க்ளிக் செய்யுங்கள். அப்போது தோன்றும் கன்டெக்ஸ்ட் மெனுலவிலிருந்து ப்ரொப்படீஸ் தெEவு செய்ய வரும் டயலொக் பொக்ஸில் Recording டேபை க்ளிக் செய்து மாற்றங்களைச் செய்யலாம். அத்துடன் சீடி ரைட்டரின் பதியும் வேகத்தையும் விருப்பம் போல் இதே இடத்திலேயே மாறறிக் கொள்ளலாம்.

சீடியில் எவ்வாறு பதிவது?

முறை : 1
வெற்று சீடியை சீடி ரொம் ட்ரைவில் உட்செலுத்த ஒரு டயலொக் பொக்ஸ் தோன்றும். அங்கு Open writable CD folder தெEவு செய்து ஓகே க்ளிக் செய்யுங்கள். அப்போது வரும் விண்டோவிற்குள் பதிய வேண்டிய பைல்களை இழுத்துப் போடுங்கள்.

முறை: 2
பதிவு செய்ய வேண்டிய பைலின் மேல் ரைட் க்ளிக் செய்து வரும் மெனுவில் Send to தெரிவு செய்து அதன் சப் மெனுவில் சீடீ ட்ரைவைத் தெரிவு செய்யுங்கள்.

முறை: 3
பதிய வேண்டிய பைலை சீடீ ட்ரைவின் மேல் இழுத்துப் போடுங்கள் அல்லது copy & paste முறையில் சீடீ ட்ரைவின் மேல் பிரதி செய்து விடுங்கள்

மேற் சொன்ன ஏதேனுமொரு வழியில் சீடியில் பதிய வேண்டிய பைல்கள் பிரதி செய்யப்பட்டவுடன் டாஸ்க்பாரில் ஒரு அறிவிப்பு (படம் 4)தோன்றும். அதன் மேல் க்ளிக் செய்ய படம்5 ல் உள்ளது போல் ஒரு விண்டோ திறக்கும். இதே விண்டோவை மை கம்பியூட்டரில் சீடி ட்ரைவைத் திறப்பதன் மூலமும் வரவழைக்கலாம்.

அந்த விண்டோவில் ஏற்கனவே பிரதி செய்யப்பட்ட பைல்களைக் காணலாம். அதே விண்டோவின் இடது பக்கம் உள்ள டாஸ்க் பேனில் Write these files to CD னும் கட்டளையைக் க்ளிக் செய்ய ஒரு விசர்ட் தோன்றி உங்களை வணக்கம் சொல்லி வரவேற்று வழிநடத்தும். இதற்குமேல் என்ன செய்ய வேண்டும் என்பதைப் படங்களே சொல்லும்.

சீடி யில் பதிவு செய்ய வேண்டுமானால் அதற்குரிய மென்பொருள் மட்டுமன்றி உங்கள் கணினியில் சீடீயில் பதியக் கூடிய வன்பொருளும் அதாவது சீடீ ரைட்டரும் இருத்தல் அவசியம் என்பது நீங்கள் அறியாத விடயமா என்ன?

-அனூப்-

What is ‘Briefcase’?

எதற்கு இந்த ப்ரீப்கேஸ் ‘Briefcase’?

அலுவலகங்களில் பணியாற்றுபவர்கள் கையிலெடுத்துச் செல்லும் ப்ரீப்கேஸ் வடிவிலான ஒரு ஐக்கணை விண்டோஸ் டெஸ்க்டொப்பில் நீங்கள் பார்த்திருக்கக் கூடும். எனினும் நம்மில் அநேகர் அது என்ன என்பதை அறிந்து கொள்ள முயற்சிப்பது இல்லை. ப்ரீப்கேசினைப் பற்றி அறிந்தவர்களும் அதனை அரிதாகவே பயன்படுத்துகின்றனர்.


எதற்கு இந்த ப்ரீப்கேஸ் போல்டர்? எடுத்துக்காட்டாக, உங்கள் அலுவலகக் கணினியில் தற்போது பணியாற்றிக் கொண்டிருக்கும் ஒரு பைலில் உங்கள் வேலையப் பாதியில் நிறுத்திவிட்டு கையில் கொண்டு செல்லத்தக்க ப்லொப்பி டிஸ்க், பென் ட்ரைவ் அல்லது ஒரு மடிக்கணினியில் இட்டு வீட்டுக்கு எடுத்துச் சென்று அந்த பைலில் மீதமுள்ள பணியை முடிக்க நினைக்கிறீர்கள். வீட்டுக்கு எடுத்துச் சென்ற அந்த பைல் உங்கள் பணி முடிந்ததும் மீண்டும் அந்த பைலை அலுவலகக் கணினிக்கு மாற்ற வேண்டியிருக்கிறது. அவ்வாறு ப்லொப்பியிலிருந்தோ பென் ட்ரைவிலிருந்தோ அல்லது மடிக்கணினியிலிருந்தோ திரும்பவும் அதனைப் பிரதி செய்து (Copy & Paste) அலுவலகக் கணினுக்கு மாற்றாமலேயே அலுவலகக் கணினியிலுள்ள பைலை அப்டேட் செய்து விடுகிறது விண்டோஸ் தரும் இந்த ப்ரீப்கேஸ் எனும் வசதி.

சரி, இந்த ப்ரீப் கேசினை எவ்வாறு உபயோகிப்பது?

முதலில் உங்கள் கணினியில் ஏதெனுமொரு இடத்தில் ஒரு ப்ரீப்கேஸ் போல்டரை உருவாக்கிக் கொள்ளுங்கள். டெஸ்க்டொப்பில் ஒரு ப்ரீப்கேஸ் போல்டரை உருவாக்குவதாயின் டெஸ்க் டொப்பில் ஒரு வெற்றிடத்தில் ரைட் க்ளிக் செய்து வரும் கன்டெக்ஸ்ட் மெனுவிலிருந்து New தெரிவு செய்ய வரும் சப் மெனுவிருந்து ப்ரீப்கேஸ் தெரிவு செய்யுங்கள். அப்போது New Briefcase எனும் பெயருடன் ஒரு ப்ரீப்கேஸ் போல்டர் அங்கு தோன்றும் . அடுத்து நீங்கள் பணியாற்றிக் கொண்டிருந்து பாரதியில் நிறுத்திய ஒரு பைலைப் பிரதி செய்து அந்த ப்ரீப்கேசினுள் சேர்த்து விடுங்கள். பிறகு இந்த ப்ரீப் கேசினை ஒரு ப்லொப்பி டிஸ்கிலோ அல்லது பென் ட்ரைபவிலோ சேGத்துக் கொள்ளுங்கள்.

அடுத்து ப்லொப்பி டிஸ்கில் அல்லது பென் ட்ரைவில் சேர்த்துக் கொண்ட ப்ரீப்கேடசினை வேறொரு கணினியில் இட்டு அதற்குள் இருக்கும் பைலைத் திறந்து எடிட் செய்து மாற்றத்திற்குள்ளாக்குங்கள். அதாவது முதல் கணினியில் பாதியில் நிறுத்திய பணியை இரண்டாவது கணினியில் பூரணப்படுத்தி சேமித்துக் கொள்ளுங்கள். அடுத்ததாக ப்ரீப்கேசினுள் உள்ள அந்த பைலைக் கொண்டு முதல் கணினியில் உள்ள பைலை அப்டேட் செய்ய வேண்டும்.

அதற்கு நீங்கள் செய்ய வேண்டியது இதுதான். ப்லொப்பியை அல்லது பென் ட்ரைவை மீண்டும் முதல் கணினியிலிட்டு அதிலுள்ள ப்ரீப்கேஸைத் திறக்க வேண்டும். அப்போது திறக்கும் விண்டோவின் இடப்பக்கம் இருக்கும் Update All எனும் பட்டனில் க்ளிக் செய்ய ஒரு டயலொக் பொக்ஸ் தோன்றும். அதில் Update செய்ய வேண்டிய பைல்கள் பட்டியலிடப்பட்டிருக்கும். பின்னர் Update பட்டனில் க்ளிக் செய்ய முதல் கணினியிலிருக்கும் உங்கள் பைல் அப்டேட் செய்யப்பட்டுவிடும். அதாவது இரண்டாவது கணினியில் நீங்கள் செய்த மாற்றங்களுடன் முதல் கணினியிலுள்ள பைல் சமப்படுத்தப்படும்.

ப்லொப்பி டிஸ்க், பென் ட்ரைவ் போன்ற சாதனங்களின் துணைIல்லாமல் நேரடியாக இரண்டு கணினிகளிலிருந்து விண்டோஸ் ப்ரீப்கேசை உபயோகிக்கும் போது இரு கணினிகளும் ஒரு வலையமைப்பிலிருக்க வேண்டும் அல்லது நேரடியாக கேபல் கொண்டு இணைக்ககப்பட்டிருக்க வேண்டும் என்பதையும் கவனத்திற் கொள்ளவும்.

பரீப்கேஸ் எவ்வாறு இயங்குகிறது என்பதை அறிய விரும்புபவர்கள் இரண்டு கணினிகளில்லாமலேயே ஒரே கணினியிலும் கூட இதனைப் பரீட்சித்துப் பார்க்கலாம்.


- அனூப் -